受訪者:
肉圓仔/Podcaster、黃啟軒/台南高商學生
專訪:台南高商學生黃啟軒、肉圓仔
《臺灣夜市Taiwan Yes!》專訪《台語𨑨迌物》Podcast兩位主持人黃啟軒佮肉圓仔,對語言競賽、台語覺醒一路講到AI時代的教育佮研究。
黃啟軒希望記錄家己佮父母、厝邊序大所講的台南七口腔口,對日常開講當中整理地方語詞。未來伊想欲做台語的新聞記者,透過採訪觀察社會,進一步投入台語研究,向台語教授的目標來行。
肉圓仔希望成為英語老師。伊認為,英語教育毋通干焦使用死板的教學方法,應該結合科技,鼓勵學生思考佮表達。
面對AI的發展,兩个人攏認為,AI會當協助揣資料、整理資訊,毋過袂當代替人的思考、感情佮文化經驗。阿旻表示,AI會改變老師、記者佮研究者的工作方式,毋過語言真正的活力,猶原來自逐个人的性命經驗。