心酸酸歌詞

我君離開千里遠啊，放阮孤單守家門
抹食抹睏腳手軟啊，暝日思君心酸酸
無疑一去無倒返啊，辜負青春暝日長
連寫批信煞來斷啊，害阮等無心酸酸
一時變心抹按算啊，秋風慘淡草木黃
風冷情冷是無盼啊，光景引阮心酸酸

雙雁影歌詞

看見倒返雙雁影 傷心欲哮驚人聽
鴻雁哪會這自由 雙雙迎春又送秋
因和人生昧親像 秋天若到阮憂愁
秋天月夜怨單身 歸瞑思君昧安眠
恨君到今未見面 不知為著啥原因

黃昏城歌詞

天悶悶　日頭漸黃昏　鳥隻啼叫小山崙　
嶺頂春花也親像欲睏　啊∼黃昏引動阮青春
城悶悶　燈火照黃昏　雙雙對對娘伴君　
孤阮一人悶悶塊歇睏　啊∼黃昏引動阮青春
心悶悶　為著日黃昏　孤星伴月結成群　
見景傷情加添阮心悶　啊∼黃昏引動阮青春