回前頁
 

觀月花鼓歌詞

看一陣 唱一陣 觀月花鼓亂紛紛 仲秋的月笑呅呅 看 仲秋的月笑呅呅
一年來 一年去 東平月照西平天 有月不看是欲呢 看 不通乎月等袂圓
花會謝 草會死 花草每年會再生 做人幾次月這圓 看 不看驚了會過時
一個月 眾人看 看月的人年年換 月娘永遠是無差 看 月照眾人同心肝
人的春 情的春 萬年孤月幾時春 仲秋的月笑呅呅 看 仲秋的月笑呅呅

 

 

風微微歌詞

風微微 風微微 日落西山 咱在河邊
看著黃昏 天然景緻 哥哥啊 你聽唎 彼平的鳥
噯唷! 親像為咱不時啼
風微微 風微微 吹搖草木 吹動心機
你有真情 阮有實意 哥哥啊 你聽唎 這平蟲聲
噯唷! 親像唱出自然詩
風微微 風微微 吹著花蕊 送著香味
咱的做陣 蜜蜜甜甜 哥哥啊 你看唎 東平的月
噯唷! 親像為咱出上天

 

 

四季紅歌詞

春天花吐清香 雙人心頭齊震動 有話想要對你講 不知通也不通
叨一項 敢也有別項 目呅笑 目睭講 你我戀花朱朱紅
夏天風正輕鬆 雙人坐船在遊江 有話想要對你講 不知通也不通
叨一項 敢也有別項 目呅笑 目睭講 水底日頭朱朱紅
秋天月照紗窗 雙人相好有所望 有話想要對你講 不知通也不通
叨一項 敢也有別項 目呅笑 目睭講 嘴唇胭脂朱朱紅
冬天風真難當 雙人相好不驚凍 有話想要對你講 不知通也不通
叨一項 敢也有別項 目呅笑 目睭講 愛情熱度朱朱紅

 

 
 

南國花譜歌詞

南國的風啊吹來冷,雨啊霎霎落未停,草木生娞在山頂,阮兜的草攏未青。

尾蝶仔雙雙甲對對,不曾一時無鄉隨,阮的花叢的花蕊,毋知何時放心開。

南國的風啊吹微微,想著早前彼當時,甲君散步溪仔邊,雙雙合唱戀愛詩。

月亮啊愈圓是愈光,孤單走入繡房門,看見窗外二個影,斟酌看無心酸酸。

南國的確實好所在,好花常常開歸排,有緣阿君緊來採,無緣阿君毋通來。


 

 
 
 
 
 
 
 
 
Copyright © 2010 RTI(Radio Taiwan International). All Rights Reserved.