回前頁
 

倡門賢母歌詞

倀妓賣笑面歡喜 哀怨在內心傷悲 妙英為子來所致 寡婦墜落煙花坑
門風不顧做犧牲 望子將來能光明 投入嫖院雖不正 家庭義務是正經
賢明模範蓋世稀 出生入死為子兒 可惜小鳳無曉禮 反責他母做不是
母心愛子是天性 艱難受苦損自身 教子有方人可敬 倡門賢母李妙英

 

 

懺悔的歌歌詞

懺洗前非來歸正 去暗投明是正經 人無墜落呆環境 不知何路是光明
前甘後苦戀愛路 勸您不可做糊塗 若有夫婿咱都好 一馬兩鞍起風波
後悔莫及是梅氏 臨渴掘井有恰遲 牡丹當開糖蜜甜 花落無人相看見
梅悟回鄉尋翁婿 不幸翁婿在墓內 自知有過入佛界 金生無望花再開

 

 

桃花泣血記歌詞

(一)人生親像桃花枝,有時開花有時死;花有春天再開期,人若死去無活時。
(二)戀愛無分階級性,第一要緊是真情;琳姑出世歹環境,親像桃花彼薄命。
(三)禮教束縛非現代,最好自由的世界;德恩老母無理解,雖然有錢都也害。
(四)德恩無想是富戶,真心真意愛琳姑;免驚僥負來相誤,我是男子無糊塗。
(五)文明社會新時代,戀愛自由才應該;給伊約束是有害,婚姻制度著來改。
(六)琳姑自本也愛伊,相信德恩無懷疑;兩人結緣真歡喜,望欲做伊的妻兒。
(七)愛情愈好事愈濟,頑固老母真囉唆;負男貧女蓋不好,強制平地起風波。
(八)紅顏自本多薄命,拆散愛人的真情;運命作孽真僥倖,失意斷送過一生。
(九)離別愛人蓋艱苦,親像鈍刀割腸肚;傷心啼哭病倒舖,悽慘生意無行路。
(十)壓迫子兒過無理,家庭革命隨時起;德恩走去欲見伊,可憐見面已經死。
(十一)文明社會新時代,戀愛自由才應該;階級約束是有害,婚姻制度著大改。
(十二)做人父母愛注意,舊式禮教著拋棄;結果發生啥代誌,請看桃花泣血記。

 

 
 
 
 
 
 
 
 
 
 
Copyright © 2010 RTI(Radio Taiwan International). All Rights Reserved.