回前頁
 

戒嫖歌歌詞

唱出這歌分恁聽 蕃花柳巷不通行 我講的話是有影 錢開了 恁就知驚
勸恁列位注意聽 著恰好人鬥陣行 不通學人出歹子 古意人第一好名聲
講起七逃喉就鄭 花宮查某若狐狸 有錢迷去煽大耳 錢拐了 就不值
有的害甲倒生理 有的業產了離離 少年的人著注意 到時反悔就恰遲
論起七桃這代志 花宮查某那妖精 裝恰一個真縹緻 戇查埔 就相爭
陽精被伊洩離離 家伙開恰無半絲 傳染海毒也淋病 遇著人頭殼舉不起
做人著愛有存後 花宮查某不通交 不通一時想不到 了戇錢 是無尾斗
有錢譬論金絲猴 無錢笑講是腳斗 世間萬事恁看透 行好路仰望個出頭

 

 

 

老青春歌詞

古倫美亞唱片 林清月詞 文藝部曲 青春美唱 1933年

老人忽然學風流 剃落兩撇的嘴鬚 交著美娘嫌呆樣 臨時起憨足健丟
查某笑到腸肚究 伊某罵伊老不修 因為愛卜好看相 即著剃到光溜溜
粥飯未食學食酒 老命不顧敢會休 暝時迄到右右右 食老即熱美阿娘
少年來呆也有救 食老變相難得收 箱過損神短歲壽 老人也敢學卜泅
出門香水直直噴 無毛也愛抹香油 食老驚了無人扭 暝日那裝那嚮場
房間恰人暝日守 查某氣到面憂憂 老猴無人卜少想 面皮皺皺打結球

 

 

怪紳士歌詞

怪紳士派頭粗 行進跳舞照步數 極樂道 逍遙好蹉跎 百鳥吟聲音好 萬紫千紅花疊舖
怪紳士走錯路 擔沙填海無法度 來苦楚 枉費你功勞 野蜂針雖是好 身邊花神有保護
怪紳士雖利害 樹正不怕做風颱 你敢知 雙人在園內 糖蜜甜的世界 快樂逍遙真自在
怪紳士鐵窗圍 善惡報應無克虧 免落淚 看阮成雙對 好蝴蝶美花蕊 美滿鴛鴦結相隨

 

 
 
 
 
 
 
 
 
 
 
Copyright © 2010 RTI(Radio Taiwan International). All Rights Reserved.