回前頁
 

紅鶯之鳴歌詞

日落西 愛人還不來 憂悶在心內
可恨這現代 現世間 不應該 迫阮對這來
我要出頭天呀! 何時也不知
我的愛人呀!
世間像大海 心把在共船破浪駛上岸頂來
過日敢這壞 生死誰人知
惡兇徒我不愛 要離亦離開 這款的世間 不是咱所愛
借問世人呀! 何路有真實的愛?
我真難解 這陣何路尋有真實的愛存在
說起文明的戀愛 不過也是作買賣
有錢即來買 無錢太 污辱女性用錢來強買
肉慾滿了後哇! 即時不啾睬咱兩人的愛
誰人來破壞 對現代咱著取何態度才應該!

 

 

跳舞時代歌詞

阮是文明女 東西南北自由志
逍遙佮自在 世事如何阮不知
阮只知文明時代社交愛公開
男女雙雙 排做一排 跳道樂道我上蓋愛
舊慣是怎樣 新慣到底是啥款
阮全然不管 阮只知影自由
定著愛結自由果將來好不好
含含糊糊 無煩無惱 跳道樂道我想上好
有人笑我呆 有人講我帶癡獃
我笑世間人 癡獃懵懂憨大呆
不知影及時行樂逍遙甲自在
來來來來 排做一排 跳道樂道我上蓋愛

 

 

月夜愁歌詞

月色照在 三線路 風吹微微 等待的人那未來
心內真可疑 想抹出 彼個人 啊...怨嘆月暝
更深無伴 獨相思 秋蟬哀啼 月光所照的樹影
加添我傷悲 心頭酸 目屎滴 啊...憂愁月暝
敢是注定 無緣份 所愛的伊 因何乎阮放抹離
雙邊來相見 斷腸詩 唱抹止 啊...無聊月暝

 

 

咖啡咖啡歌詞

 

燒酒咖啡滿庭香

紅燈綠燈照花窗

美人肉白酒色紅 痴呆不醉是誰人

咖啡!咖啡! 痴呆不醉是誰人

為著酒醉真多款

有的過榮袂得喘

也有憂鬱心不寬 到尾氣喘攏不寬

咖啡!咖啡! 心內親像吞鐵丸

笑聲杯聲相合奏

喝聲拳聲十全到

人生快樂盡頂頭 女給暗中目屎流

咖啡!咖啡! 女給暗中目屎流

目屎流落可比雨

面上歡喜心內苦

客官飲酒身著顧不可酒茫不知路

咖啡!咖啡! 不可跋倒滿身土

 

 
 
 
 
 
 
 
 
 
Copyright © 2010 RTI(Radio Taiwan International). All Rights Reserved.