美哥哥歌詞

美哥哥 阮心真憂悶 眠無睏 粥飯又未吞
當值少年 並無啥原因 何通無眠無食卡害身
美哥哥 你不知頭天 更深後 目屎淡目墘
當值少年 為著啥事情 不通想思 辜負青春期
美哥哥 為著你一人 更深後 頭暈目賙紅
妹妹心機 我擱說不通 快樂過日 敢當來是夢
美哥哥 阮愛你作伴 更深寒 同床同被單
時到開花 妹妹不用掛 等待成功 做伙來生活

小妹妹歌詞

小妹妹 記得咱兩人春天時作陣在遊賞
月裡嫦娥甲妹共一樣
桂花樹下 一對美鴛鴦
小妹妹 記得咱兩人手牽手散步在河邊
牡丹開花 風送清香味
更深夜靜 月光美兼圓
小妹妹 記得咱兩人嘴悶嘴意愛來相吻
文明時代 戀愛是神聖
兩人相愛 都是用真情

一夜差錯歌詞

一時做差錯 事到無奈何 當初糊塗 貪著極樂道
無想善惡報 才著抱狠心頭糟
夜間無人知 對死哭返來 自由戀愛 引阮入悲哀
鴛鴦同池內 禍端獨擔大不該
錯食風流飯 目屎準菜湯 面色青黃 悽慘割心腸
腹肚那醃缸 看卜按盞被人問