Isa sa mga youth policy promises ni Pangulong Lai Ching-te, ang “Billion-Dollar Overseas Youth Dream Fund Project” na inorganisa ng Youth Development Administration ng Ministry of Education, ay nagsagawa ngayong araw (ika-11) ng pagtatanghal ng mga naging resulta (成果發表會). Sa pamamagitan ng pangakong “Ikaw ang mangangarap, at ang Taiwan ang susuporta,” natulungan ng pamahalaan ang 1,463 kabataan na maisakatuparan ang kanilang mga internasyonal na pangarap.

Personal na dumalo si Pangulong Lai Ching-te sa pagtatanghal ng mga naging resulta at sinabi na napakasaya niyang makita na napakaraming kabataan ang nakatupad ng kanilang pangarap sa tulong ng pamahalaan. Ipinahayag din niya na siya ay lubos na ipinagmamalaki ang mga kabataang ito. Dahil sa matagumpay na pagpapatupad ng programa ngayong taon, inanunsyo ng Ministry of Education na sa susunod na taon ay dodagdagan ang programa ng “Dream Support Scheme,” kung saan 300 slots ang ilalaan para sa mga katutubong kabataan, mga nasa mahirap na kalagayan, at mga mula sa malalayong lugar upang mas marami pang kabataan ang makapag-abroad nang walang pag-aalala.

Ipinahayag ng Pangulo na nang makita niya ang bawat kabataang nakangiti, kumpiyansa, at buong sigasig na nagbabahagi ng kanilang mga karanasan sa pagtupad ng kanilang pangarap, siya ay lubos na humanga at ipinagmamalaki sila. Biro pa ng Pangulo na dahil sa inspirasyon mula sa kuwento ng “Riders of Destiny” (不老騎士), kaya niya naisip ang programang ito. At ngayong nakita niya ang napakagandang resulta ng unang taon ng programa, pakiramdam niya ay natupad din ang kanyang sariling pangarap. Sinabi ng Pangulo 《外251211-08-賴清德(男)"16"》: “Ang makita ang resulta ng programang ito ngayon ay katuparan din ng aking pangarap; ang inyong pagsunod sa inyong pangarap ay nagbigay-daan din upang matupad ko ang akin. Tayong lahat ay mga tagahabol ng pangarap. Maraming salamat sa inyo, taos-pusong salamat.”

Hinimok din ng Pangulo ang mga kabataan na personal na dumalo sa lugar ng pagtatanghal upang makita kung paano ginawang kongkretong mga plano ang iba’t ibang ideya, kung paano ginamit ang mga platapormang ibinigay ng pamahalaan, at upang mabigyang inspirasyon ang mga magulang at guro na makita kung ano ang interes at potensyal na direksiyon ng kanilang mga anak o estudyante, upang sila rin ay makapagsimula sa kanilang sariling paglalakbay tungo sa pag-abot ng pangarap.

May ilang kabataang kalahok ngayong taon ang nagbahagi rin ng kanilang mga karanasan sa lugar ng pagtitipon—ang ilan ay nakaengganyo ng mga karanasang mas mayamang kultural, ang ilan ay mas tumibay ang kanilang direksiyon sa buhay, at mayroon ding nagkaroon ng mas malinaw na mga plano para sa hinaharap.

Ayon din sa Ministry of Education, matapos suriin ang background ng mga kalahok ngayong taon, napagpasyahan nilang tulungan pang lalo ang mga kabataang katutubo, mula sa malalayong lugar, at yaong nasa ekonomikal na kahinaan. Kaya naman, sa susunod na taon ay partikular na maglalaan ng 300 karagdagang slots sa pamamagitan ng “Dream Support Scheme” upang matulungan ang mga kabataang may limitadong resources na makalabas ng bansa at lumawak ang kanilang pananaw sa mundo.