Noong ika-25, naglabas ng joint statement ang Canada at South Korea matapos ang kanilang “2+2” meeting ng foreign at defense ministers. Muli nilang iginiit ang kahalagahan ng kapayapaan at katatagan sa Taiwan Strait.

Malugod itong tinanggap at pinuri ni Foreign Minister Lin Chia-lung, at sinabi na nagpapakita ito ng matatag na suporta ng Canada at South Korea sa pagpapanatili ng status quo at seguridad sa Taiwan Strait.

Ayon sa Ministry of Foreign Affairs, ito ang ikalawang “2+2” meeting ng dalawang bansa, at isa itong konkretong resulta ng “Canada–Korea Comprehensive Strategic Partnership” action plan na inilunsad noong Hulyo 2024.

Muling binigyang-diin sa meeting ang kahalagahan ng kapayapaan at stability sa Taiwan Strait, na nagpapakita ng pagkakapareho ng pananaw ng Canada at South Korea sa pagpapanatili ng isang “free and open Indo-Pacific region.” Ipinapakita rin nito ang consistent na posisyon ng Canada tungkol sa isyu ng Taiwan Strait.

Muling iginiit ng Ministry of Foreign Affairs na sa harap ng lumalawak na impluwensya ng authoritarianism na nagbabanta sa global peace at international order, patuloy na makikipagtulungan ang Taiwan sa mga bansang may kaparehong prinsipyo upang ipagtanggol ang kapayapaan, katatagan, at kaunlaran sa Taiwan Strait at sa buong rehiyon