Iniulat ng Ministry of National Defense na mula alas 6 ng umaga kahapon hanggang alas 6 ng umaga ngayong araw, limang barko ng hukbong dagat ng China ang namataan na patuloy na kumikilos sa paligid ng Taiwan Strait. Ayon sa ahensya, mahigpit na mino monitor at tinutugunan ng sandatahang lakas ng Taiwan ang sitwasyon.

Sa inilabas na ulat hinggil sa galaw ng puwersang pandagat at panghimpapawid ng People’s Liberation Army sa paligid ng Taiwan, sinabi ng Ministry of National Defense na sa loob ng naturang 24 oras ay limang barko ng China ang naitala sa rehiyon. Wala namang naitalang pagpasok ng military aircraft ng China sa nasabing panahon.

Dagdag ng ahensya, ginagamit ng militar ng Taiwan ang mga mission aircraft, naval vessels at mga shore based missile system upang masusing bantayan at tugunan ang anumang kilos sa paligid ng Taiwan Strait.