Iniulat noong (ika-2) ng “The Australian Financial Review” na ang Taiwan, isa sa pangunahing pinanggagalingan ng diesel ng Australia, ay nangakong ipagpapatuloy ang suplay ng fuel. Sa panahong may ilang bansang producer sa Asya na naglilimita ng bentahan ng produktong petrolyo, umaasa ang pamahalaan ni Punong Ministro Anthony Albanese sa export ng natural gas upang masiguro ang suplay ng enerhiya.

Sa panayam na inilathala ngayong araw sa “The Australian Financial Review,” sinabi ng kinatawan ng Taiwan sa Australia na si Hsu Yu-tien na nananatiling mahalagang energy partner ang Taiwan at Australia. Ang gas-fired power generation ang pangunahing pinagmumulan ng kuryente sa Taiwan, at humigit-kumulang isang-katlo ng natural gas nito ay nagmumula sa Australia.

Nakikipag-ugnayan ang pamahalaan ni Albanese sa mga kalapit na bansang umaasa sa Australian LNG upang tiyakin ang katatagan ng fuel imports. Noong nakaraang linggo, pinaalalahanan din niya ang mga partner countries na ang energy trade ay isang two-way exchange.

Ayon sa estadistika ng National Roads and Motorists' Association ng Australia, ang Taiwan ang ika-apat na pinakamalaking pinanggagalingan ng diesel ng Australia, kasunod ng South Korea, Singapore, at Malaysia, na may bahagi na humigit-kumulang 12% ng kabuuang import. Isa rin ang Taiwan sa pangunahing supplier ng aviation fuel ng Australia.

Ayon kay Hsu Yu-tien, bago pa man ang tensyon sa Iran, nakatuon na ang pamahalaan ng Taiwan sa pagpapalakas ng energy resilience, kabilang ang pag-diversify ng pinanggagalingan ng krudo upang mabawasan ang pagdepende sa Middle East—na iba sa Japan na mahigit 90% ng krudo ay mula sa rehiyong iyon.