Patuloy ang paglala ng digmaan sa Gitnang Silangan, na nakaapekto sa pandaigdigang suplay ng enerhiya at kumpiyansa ng merkado.

Sinabi ni Pangulong Lai Ching-te noong araw (ika-2) na titiyakin ng pamahalaan ang sapat na suplay ng enerhiya at matatag na presyo, at babawasan hangga’t maaari ang epekto nito sa pang-araw-araw na pamumuhay, at hinikayat ang publiko na huwag mag-alala.

Sa isang post sa Facebook noong ika-2, sinabi ni Pangulong Lai na sa harap ng mga kamakailang pagbabago sa pandaigdigang sitwasyon dulot ng kalagayan sa Gitnang Silangan, nagsagawa na ng ilang pagpupulong si Premier Cho Jung-tai upang ganap na maunawaan ang pandaigdigang kalagayan at mga pagbabago.

Titiyakin ng pamahalaan ang sapat na suplay ng enerhiya at katatagan ng presyo, at babawasan sa pinakamababa ang epekto nito sa pang-araw-araw na buhay ng mamamayan.

Ayon sa Pangulo, sa kasalukuyan ay sapat ang suplay ng langis, gas, at karbon sa bansa, at lampas pa ito sa itinakdang legal na pamantayan.

Bukod dito, sinasalo ng pamahalaan ang humigit-kumulang 60% ng pagtaas ng presyo ng langis, at sinisigurong mananatiling hindi nagbabago ang pamasahe sa high-speed rail, Taiwan Railways, MRT, at mga bus.

Sa buwang ito, ang presyo ng kuryente, LPG (tangke ng gas), at natural gas para sa mga kabahayan ay nananatiling “naka-freeze” at walang pagtaas.

Binigyang-diin ng Pangulo na patuloy na babantayan ng pamahalaan ang presyo ng mga produktong plastik at iba pang pangunahing bilihin, upang mapanatili ang kaayusan ng merkado at supply chain, at mahigpit na susugpuin ang hoarding at price manipulation, upang hindi madagdagan ang pasanin ng mamamayan dulot ng mga panlabas na pagbabago.