Masusing tinalakay ng Legislative Yuan noong araw (ika-14) ang 2026 Central Government General Budget, at pormal itong naaprubahan sa ikatlong pagbasa pagsapit ng gabi. Mula sa orihinal na NT$3.035 trilyon na kabuuang gastusin, NT$48 bilyon ang ibinawas, katumbas ng 1.689%.

Isinumite ng Executive Yuan sa Legislative Yuan noong Agosto ng nakaraang taon ang panukalang badyet. Hiniling noon ng mga opposition party na ibalik at baguhin ito dahil hindi umano naisama alinsunod sa batas ang salary increase para sa military personnel, police at firefighters. Nangako naman ang Executive Yuan na maghahain sa loob ng anim na buwan ng kaugnay na amendments para sa kanilang mga karapatan.

Noong Abril 21, ipinadala ng Legislative Yuan ang budget bill sa mga committee para sa pagsusuri, at ngayong ika-14 ay tuluyan itong naaprubahan sa ikatlong pagbasa. Inanunsyo ni Legislative Yuan President Han Kuo-yu na inaprubahan ang 2026 Central Government General Budget matapos ang mga pagbabago.

Kabilang sa mga binawasan ang travel expenses para sa mainland China. Hindi kasama sa bawas ang mga gastusing malinaw na itinatadhana ng batas at ang pagdalo sa mga pulong at aktibidad ng APEC. Ganap namang tinanggal ang naturang budget ng National Communications Commission at Control Yuan, habang 15% ang ibinawas sa ilang ahensya gaya ng Academia Sinica, National Science and Technology Council, National Police Agency at National Immigration Agency, at 30% naman sa iba pang ahensya.

Binawasan din ng 60% ang special expenses, habang tuluyang inalis ang naturang budget ng ilang ahensya kabilang ang Control Yuan, Judicial Yuan, Executive Yuan at National Development Council. Binawasan din ng 2.5% ang military equipment and facilities expenses.

Naaprubahan din ang panukala ng Kuomintang caucus na i-freeze ang sahod ni Premier Cho Jung-tai mula Setyembre hanggang Disyembre na nagkakahalaga ng NT$1.488 milyon, at bawasan ang ilang operating at special expenses ng Executive Yuan.

Sa hiwalay na botohan, naaprubahan din ang pagbawas ng NT$10 milyon at pag-freeze ng NT$20 milyon mula sa NT$30 milyong state affairs confidential budget ng Presidential Office.

Naaprubahan din ang panukala ng Taiwan People's Party caucus na bawasan ng NT$200 milyon ang budget ng Ministry of Culture para sa international digital communications. Kakailanganin munang magsumite ang ministeryo sa loob ng tatlong buwan ng report tungkol sa organizational review at performance improvement ng TaiwanPlus bago magamit ang kaugnay na pondo