Hinatulan ng korte sa Hong Kong ngayong Setyembre 11 sina dating Hong Kong Alliance chairman Lee Cheuk-yan, vice chairpersons Chow Hang-tung at Albert Ho ng pagkakakulong mula limang taon at dalawang buwan hanggang pitong taon at tatlong buwan dahil sa kasong “inciting subversion of state power” sa ilalim ng National Security Law.

Ang ngayo’y binuwag nang Hong Kong Alliance in Support of Patriotic Democratic Movements of China ay matagal na nag-oorganisa ng taunang candlelight vigil tuwing Hunyo 4 sa Victoria Park upang alalahanin ang mga nasawi sa 1989 Tiananmen crackdown. Matapos ang mahigit limang taong legal proceedings at matagal na detention, inilabas ng korte ang kanilang mga sentensiya.

Bilang tugon, nagsagawa ng press conference ang ilang Hong Kong residents sa Taiwan at Taiwanese civil society groups sa labas ng Legislative Yuan. Nanawagan sila sa Hong Kong government na palayain sina Chow Hang-tung at iba pang defendants, alisin ang National Security Law, at ibalik ang karapatan ng mga taga-Hong Kong na gunitain ang June Fourth crackdown.

Ayon kay Chen Yen-ken ng Judicial Reform Foundation, ibinatay umano ng korte sa haka-haka ang interpretasyon nito sa political objectives ng Hong Kong Alliance. Aniya, ang pagtrato sa peaceful political advocacy bilang isang paraan ng subversion ay maaaring magtanggal ng espasyo para sa mapayapang political expression at advocacy.

Sinabi naman ni Pastor Huang Chun-sheng ng Chi-Nan Presbyterian Church na ang kaso ay hindi lamang tungkol sa individual criminal responsibility kundi pati sa kung paano tinatrato ng isang political system ang historical memory. Aniya, ang paggunita sa June Fourth at panawagan para sa katotohanan, hustisya at accountability ay hindi dapat ituring na incitement o subversion.

Nagbabala rin ang Taiwanese human rights activist na si Lee Ming-che na mahalagang alalahanin ng Taiwan ang sarili nitong karanasan sa authoritarian rule at ang democracy movement ng Hong Kong. Ayon sa kanya, ang democracy ng Taiwan ay bunga rin ng mga taong tumutol sa authoritarianism at ipinaglaban ang political rights.

Binigyang-diin ng mga civil groups na ang verdict ay may mas malawak na epekto sa freedom of speech, freedom of assembly, judicial independence at civic space sa Hong Kong. Anila, ang peaceful assembly ay isang fundamental human right at hindi dapat gamitin ang national security legislation upang supilin ang mapayapang political expression.