滷肉飯之爭,透露啥物政治學?
鬍鬚張董事長之子表態支持台北市長蔣萬安,有部分網友講欲抵制;蔣萬安回應:「有人負責四界出征,我就負責吃滷肉飯。」無偌久,金峰滷肉飯的頭家娘嘛公開替民進黨台北市長候選人沈伯洋加油。台北市長選戰,煞變做滷肉飯的話題。
一个人的政治選擇,敢會當代表規間店?咱選欲食佗一碗,是咧揀口味,抑是咧表態?這禮拜《臺灣夜市Taiwan Yes!》,主持人阿旻欲對這場「滷肉飯之爭」來開講:自店家的表態、網路的反應,講到南北對「滷肉飯」、「肉燥飯」的無仝叫法。
一碗飯會予人想著家己的故鄉,嘛會予人看見政治按怎行入日常生活。你心目中上好食的彼碗,是佇佗位?若店家表態支持你無佮意的候選人,你閣會去食無?歡迎來聽節目,做伙分享你的看法。