受訪者：巫秀淇／文化工作者

💡受訪者與本集主題介紹：

       巫秀淇先生係來自桃園平鎮个客家人，出世在戒嚴時代个佢，這集摎𠊎(ngaiˇ)兜分享佢從細在學校受著个黨國教育摎中國情懷，對照屋下人摎佢講个經歷摎故事，仰般影響佢个政治啟蒙，對高中時期開始接觸著黨外雜誌，第一擺反思著作為台灣人、對中國个了解顛倒較贏對台灣在地歷史个理解，感受著衝突摎矛盾个佢，仰般開始關注台灣个政治事件、外交事件，後來在大學摎研究所時期選擇讀政治系所。後來轉到桃園、成立桃澗堡工作室，分享摎魏廷朝先生還有多位民主前輩接觸个經驗，再到在中壢舉辦朝聖之路，紹介中壢个人權摎民主地景，仰般對在地居民个生活視角看待這兜民主地景、有哪兜在地个故事。

👂本集節目重點：

    ➢姓「巫」个係毋係大體都係客家人？堂號有哪兜故事？

    ➢對生活个角度、日常个觀點，分享對台灣民主化歷程个了解。

    ➢政治受難者个多樣性、該央時良心犯／受難者仰仔申請「賠償」（該央時還係補償）个過程。

    ➢中壢个人權民主地景、邀請在地人來分享自家對該片个了解。

學兜仔客家話 & 延伸思考

   「政治受難者坐囹仔出來過後，佢兜个生活會受著麼个影響？」