海外為臺灣 會館做根基

專訪：吳兆峯（Ken Wu）

台灣人公共事務會洛杉磯分會副會長
大洛杉磯台灣會館秘書長
行政院政務顧問

《臺灣夜市Taiwan Yes!》主持人阿旻曾偉旻邀請海外台灣公共事務工作者吳兆峯（Ken Wu）到節目中，分享台灣海外社群的拍拚佮台灣會館的重要性。KEN 以第一線參與者的角度，深入說明洛杉磯台灣會館成立的背景、精神意義，佮目前重建募款所面臨的挑戰。

吳兆峯表示，洛杉磯台灣會館是三十年前由濟濟台灣人，拚出來的所在，是每過西岸台灣人認同自我、凝聚社群的重要精神堡壘。早期佇台灣受限的環境，無法度公開表達台灣人身分，顛倒是佇海外，台灣人得著自由，開始認清「我是台灣人」，台灣會館也因此成做文化、政治佮公共事務的重要基地。

隨時代變化，會館設備漸漸仔較舊，第二代、第三代台灣人對空間有新的期待，基金會開始推動拆除重建計畫。吳兆峯指出，重建經費完全來自民間募款，無政府補助，原本預算因為物價大起大大增加，募款過程算是艱難，但是海外台灣人猶原拚命付出，希望替後一代留一个閣較好的「台灣人海外的厝」。

節目內底，也講著台灣國際處境的轉變。吳兆峯指出，過去海外社群等於是「民間的外交部」，今台灣外交漸漸仔被看著，行向正常化，海外組織角色也轉型，開始更加重視社區經營、政策倡議佮青年培力。尤其愈來愈多少年台灣人投入公共事務，用行動展現對台灣的關心佮責任。

無論是台灣會館的重建，抑是海外青年參與公共事務，攏顯示出台灣人的凝聚力。台灣的未來，正正是佇一代接一代的付出內底拚出來的。