廣東人想教廣東話?唔該自己先學識粵語拼音

  • 播出時間: 2021-01-13
  • 按讚加入粵講粵威水粉絲團
William自製的廣東話教材
廣東話社團指導老師William

嚟到台灣嘅港澳人士或者僑生,想搵兼職賺啲零用嘅時候,好多人好多時候都諗到教廣東話。

廣東人教廣東話,夠正宗了吧!偏偏十個廣東人當中,九點九九個都係識講唔識教。點解唔識教?因為我地廣東人係靠環境學識講廣東話,從細聽吓聽吓就學識講。但係當冇呢個語言環境,點教人呢?

呢個時候就需要工具嘅協助。好似國語有注音,英文有字母拼母,廣東話都有粵語拼音,只不過無邊幾個識啫!自己都唔識粵拼,又點教人呢!

所以係台灣做廣東話老師,第一個挑戰,就係自己先學識粵語拼音。

係而家經常攞嚟做比較,或者比較經常提及的粵語拼音方案,分別有粵語拼音(粵拼)、廣州話拼音(廣拼)、教育學院拼音(教院)、耶魯拼音(耶魯)、劉錫祥拼音(劉錫祥),每種拼音各有特色、各有擁躉。

咁根據目前以個人所接觸到嘅廣東話老師同廣東話愛好者嘅心得,粵拼嘅愛用程度係最高。

粵拼,係由香港語言學學會係1993年製訂嘅粵語羅馬化拼音方案。點解鐘意呢套拼音,因為佢地覺得:呢套拼音比較啱廣東話嘅發音,信唔信,由你了。

呢集節目訪問嘅就係,曾經係台灣校園獨領風騷嘅廣東話老師--William。係10年前,先至大二嘅William就係政大成立廣東話社、自製教材、開班上堂。

William笑住講:「政大廣東話社,10年前,係台灣校園裡面,唯一嘅一個廣東話社團。」

節目主持人

相關留言