:::

夜市放送頭|藍士博 史明歐吉桑的事工伊來擔

  • 播出時間: 2022-05-17
  • 按讚加入臺灣夜市Taiwan Yes粉絲團
臺灣夜市Taiwan Yes
藍士博與曾偉旻

來賓:藍士博 

《臺灣夜市 Taiwan Yes!》今仔日夜市放送頭邀請藍士博,轉來央廣後頭厝上節目,做伙來講史明歐吉桑的故事,嘛欲邀請伊來講,按怎傳承歐吉桑的精神。

藍士博讀過五專、考過轉學考進入臺大,冊猶未讀煞,就考牢政大台文所。台大讀冊期間參與濁水溪社復社、野草莓運動佮太陽花學運,這十幾冬來的社會運動攏參與有著。藍士博捌開過咖啡廳,佇咧理想和經營困難兩爿搝大索。嘛捌辦過共生音樂節,最近開始佇政治箍仔想欲實現理想。

有人笑藍士博是「人體唸經機」,有想法一開喙就像機關銃講袂停,毋是干焦會講袂做,總是用實踐做目標,箍倚眾人協力完成。親像伊和友志完成史明的口述歷史,得著金鼎獎第三十八屆非文學圖書類肯定。2021年9月20,史明教育基金會史明文物館開幕,藍士博成為文物館頭一任館長。藍士博按怎傳承歐吉桑的精神,咱做伙來聽。

節目主持人

相關留言