:::

夜市放送頭| 焦佳弘 臺灣跤球聖經報予你知

  • 播出時間: 2022-09-13
  • 按讚加入臺灣夜市Taiwan Yes粉絲團
臺灣夜市Taiwan Yes
中華足協副秘書長焦佳弘

來賓:中華足協副秘書長焦佳弘

臺灣的跤球運動愈來愈興,尤其佇咧少年囡仔這塊的發展,愈來愈豐富,不而過咱過去踢球,攏倚靠教練的經驗落去踢、落去練,總是欠一本跤球聖經作用的教科書。中華跤球協會總算佇咧今年推出《國小跤球訓練教科書》 。

《臺灣夜市,Taiwan Yes!》節目邀請這本教科書的總編輯、中華跤球協會副秘書長焦佳弘,來分享這出版這本冊的用心計較,點點滴滴。伊講最近二十冬來,臺灣跤球發展,自頭到尾攏無一本正式教材內容,這陣透過濟濟人的拍拚,親像主筆的作者臺中藍鯨呂桂花教練,全心投入這本國小訓練教科書。希望予閣較濟基層教練,有一本真實用的工具書,打造屬於臺灣基層跤球的教材。

除了教科書規則、戰術的安排,這本冊上特別的是,結合目前國際跤球總會等聯盟,共兒童跤球安全的內容安排落去。另外,焦佳弘也講,針對這本冊使用者,可能是教練,嘛有可能毋是跤球專項的體育老師,或者是可能想欲教小朋友踢跤球的父母,按怎予這寡對象,輕輕鬆鬆使用這本冊,培育國內基層跤球才是上大的目標。嘛期待通依這本冊做基礎,閣發展出屬於臺灣的跤球風格。

 

節目主持人

相關留言