:::

夜市放送頭|本土語言友善意識自細漢來釘根

  • 播出時間: 2022-09-20
  • 按讚加入臺灣夜市Taiwan Yes粉絲團
臺灣夜市Taiwan Yes
台語親子共學團董力玄

邀訪來賓:台語路親子樂團 副團長董力玄 

序大用無蓋輾轉的華語,和孫仔講話。予拄做媽媽的董力玄,感到心疼,下決心佇大漢囝6個月大的時,開始用全臺語育飼囡仔大漢,這陣已經是三个囡仔的媽媽,大漢囝已經讀國小一年仔,上細漢的才拄出世。

董力玄為著打造予囡仔全臺語的母語環境,用真濟心力走揣。嘛和其他有志透過網路、實體辦活動的串聯,成立的臺語共學團,這陣無論線頂或者是實體的串聯,攏是全臺灣上蓋有規模的。

和濟濟臺語家庭的囡仔相仝,定定拄著華語囡仔的無理解,聽著講「媽媽,他們是在說外國話嗎」?這陣臺語共學的家長,用臺語鹿做臺語家庭的象徵,「臺語鹿,出任務」,按怎透過語言友善,做伙實踐臺語人的夢想,結合音樂、遊戲、設計等等無仝專長的家長,討論再討論,打造專屬的音樂遊戲囡仔冊.毋但通聽歌、遊戲,閣通建立對語言友善的意識,向望無仝語言通共榮生存。

走傱成立臺語學校,是臺語共學團真濟人的向望。成員雖罔拍拚,但嘛常在拄著教育體制化的困難、法令的限制,閣有人數無夠集中的現象......,臺語家庭閣有啥物困境,攏佇這集的《臺灣夜市,Taiwan Yes!》
 

節目主持人

相關留言