Rti 中央廣播電臺 
Rti 中央廣播電臺 
受訪者：蘇格蘭台灣協會會長陳韻如(Jenny)
蘇格蘭台灣協會會長陳韻如(Jenny)2005年嫁去蘇格蘭，伊的好朋友愛河國民歌手嚴詠能，佇咧在生進前、去過蘇格蘭揣伊。嚴詠能看著Jenny的後生共伊講，「妳的後生那看那成Potato(外國囡仔款)，但是番薯仔囝的形攏無看見，愛轉去臺灣踏塗氣、袂當袂記得家己是臺灣人！」鼓勵Jennny和囡仔愛轉去臺灣，實實在在踏佇番薯這塊土地，才通吸收臺灣的養分。
伊嘛分享是按怎有臺語意識是有一改，囡仔三歲的時陣咧讀幼稚園，被中國媽媽欺負的故事。Jenny回想彼改去接囡仔，看著兩位中國媽媽對伊的後生講：「你是中國人，毋是臺灣人」。轉到厝，囡仔共伊提問：「媽媽你講的是Chinese，所以你應該嘛是中國人」。Jenny彼時有影疼心，嘛家己檢討並且隨共囡仔講：「媽媽是臺灣人，後改攏會佮你講臺語。」自彼時開始，才有意識的將臺語講轉來。
Jenny嘛分享蘇格蘭的國家語言政第一頁就指出「語言死文化死」的內容，毋但按怎落實語言政策更加重要，除了建立蘇格蘭語母語學校語。佇咧學校考試的落實愛提供英語、蘇格蘭本土語言的兩種考試卷。工課場面試嘛是仝款，若無提供蘇格蘭語言面試，是會被罰款的，蘇格蘭的經驗值得臺灣參考，閣較濟精彩內容，請收聽《台灣話食四方》。