Rti 中央廣播電臺 
Rti 中央廣播電臺 
《運動小學堂》班長：張詠皓、班導師：阿旻、班主任：黃國洲
《運動小學堂》邀請明湖國小張詠皓同學，做咱的學堂班長。今仔日伊欲來紹介伊上佮意的捕手。
關於捕手，伊講捕手是球場頂的靈魂人物，甚至是球場頂的總教練。另外閣分享臺灣職業棒球總教練攏總60幾人，自守備位置來看，捕手出身大概8人，雖然無投手15人遮濟。捕手、投手出身的總教練領軍，提著10座總冠軍，但是捕手出身的「總冠軍教練」洪一中是代表性人物，提著7座上濟。
另外，咱邀請黃國洲來做學堂班主任，咱自關鍵的「球」的講法開始，美國是棒球的起源地，英語名號做「Baseball 」；傳去到日本，日本人叫伊「やきゅう」就是「野球」，日本閣掠伊外來語音譯「ベースボール」。日本時代傳來到臺灣，咱愛耍球的老輩，就用倚音，共漢字寫做「麥斯帽屢」（be̍h-su-bō-lú），真正趣味，另外閣有啥物講法，一定愛收聽、學起來。
